URAREN ZIKLO INTEGRALAREN KUDEAKETA ARAUTZEN DUEN ERREGELAMENDUA
Mankomunitatearen eta abonatuen arteko harremanak eta alderdien eskubideak eta betebeharrak ezartzen dituen erregelamendua.
UREN ORDENANTZA FISKALA 2023
Horniduraren araudi teknikoa
Hornidurako eraikuntza-xehetasunak
Saneamenduko araudi teknikoa
Saneamenduko eraikuntza-xehetasunak
Jarraian, Uraren Ziklo Integralarekin zerikusia duen guztian Mankomunitatearekin egin beharreko kudeaketak errazteko Gida Tekniko batzuk eskaintzen dira.
Emari ekologikoak
Emari ekologikoa ibai batean modu naturalean bizi diren arrainen bizitza eta ibaiertzeko landaredia mantentzeko aukera ematen duen gutxieneko emaria da. Hala, ingurumena babesteko helburuarekin, arroen baliabide hidrologikoak kontzienteki arautzeko eta planifikatzeko betebeharra ezarri zen, ibai bakoitzaren ezaugarri berezien araberako emari-erregimen espezifikoa ezarriz.
Konfederazio hidrografikoek plan hidrologikoak egiten dituzte. Era berean, plan hidrologikoek emari ekologikoen erregimena ezartzen dute ibai eta trantsizio uretan. Arro bakoitzean emari horiek kontrolatzeaz arduratzen den erakunde bat dago. Kontrol hori, plan bakoitzaren araudian adierazten diren neurketa-puntuetan egiten da.
Ihesen prebentzio plana
Izarbeibarko Mankomunitateak, Mankomunitatea osatzen duten herriak giza kontsumorako urez hornitzen dituen entitate kudeatzailea den aldetik, interes handiena du herritarrei ematen dien uraren kalitate sanitario gorena bermatzeko.
Ihesak prebenitzeko plana ez da dokumentu bat gehiago. Lan TRESNA bat izan nahi du, plana enpresan ezartzeko eta integratzeko aukera emango duena, helburuak, haiek lortzeko bitartekoak eta erakunde barruan bakoitzak dituen erantzukizunak ezartzeko.
HELBURUAK
Izarbeibarko Mankomunitatearen erronka nagusietako bat erregistratu gabeko uraren ehunekoa jaistea izan da, mundu osoko ur-eskasiaren maila igotzeagatik dugun gero eta kezka handiagoaren ondorioz (zenbatu gabeko ura ur-hornidura osoaren % 25etik % 50era bitartekoa da, eta garapen bidean dauden merkatuetan % 75era bitartekoa).
Erregistratu gabeko ura abonatuarengana iritsi aurretik (isurien, lapurreten edo legez kanpoko erabileraren bidez) “galtzen” den tratatutako ura da. Ur-ihesek leku nabarmena dute erregistratu gabeko uraren errudunen zerrendan.
Horretarako, hainbat neurri hartzen dira erregistratu gabeko ur-kontsumoa murrizteko, inpaktu ekonomiko eta soziala minimizatzeko eta edateko uraren kudeaketa jasangarri eta eraginkorra egiteko.
Ihesak Prebenitzeko Plan hau indibiduala da Arga Izarbeibar Zerbitzuentzat, eta bere helburu nagusia fakturatu gabeko uraren kontsumoa murriztea da, edateko uraren kudeaketa jasangarri eta eraginkorra egiteaz gain, eragin ekonomiko eta soziala minimizatzeko.
