Kanpaina honen helburua materia organikoaren eta beste frakzio birziklagarri batzuen bilketa hobetzea eta handitzea da, hobetu zitezkeela iruditzen zitzaizkigun zenbait alderdi eta ohitura argituz, eta, batez ere, errefusaren frakziora (edukiontzi grisera) doazen hondakinetan eraginez. Izan ere, dakizuen bezala, hondakin mota honen gehiengoak zabortegian amaitzen du eta, isurketaren gaineko zerga dela eta, kudeaketa gastu altuena suposatzen du.

Oraingoan, etxeetan banatu den liburuxka bera banatuko da. Haren atzealdean, hondakinen sorrera murrizteko egunerokoan jarrai ditzakegun aholkuak daude.

Kanpaina hau kanpo enpresa batek egingo du, eta 2025eko hondakinen funtsaren bidez finantzatzeko eskatzen da.

Edukiontzien ondoan egingo den kanpainaren kokapena, herriz herri.