Euskara ikasten ari diren helduek, askotan, hizkuntza praktikan jartzeko zailtasunak edo mugak izaten dituzte. Horregatik, hain zuzen, euskaraz aritzeko ohitura, jariotasuna eta erosotasuna eskuratzeko, Mintzapraktika programak sortu ziren.

Mintzapraktika egitasmoen funtzionamendua oso sinplea da: euskaraz ongi moldatzen den pertsona bat (edo gehiago), hizkuntza maila hobetu nahi duten lagun talde batekin elkartzen da eta hainbat gairen inguruan mintzatzen dira partekatzen duten denbora tarte horretan.

Funtzionamendua sinple bezain eraginkorra da. Euskara praktikatu nahi dutenen hizkuntza maila handitu egiten da eta gehiagotan erabiltzen dute. Gainera, lagun talde berriak, esperientziak eta une dibertigarriak sortzen dira.

Beraz, euskara gehiagotan erabiltzeko, hizkuntza gaitasuna handitzeko, harremanak  euskarazko izateko, ikasten ari direnei laguntzeko… Mila arrazoi daude Mintzakide izateko!

Izen-ematea zabalik dago.