Ekitaldi jasangarriak

Jaiak, elkartzeko eta gozatzeko une izateaz gain, kolektiboen eta erakundeen arteko lankidetzarako gune ere badira, eta, bereziki, praktika jasangarriak egiteko, parte-hartzea eta tokiko ekonomia bultzatzeko eta pertsonak eta ingurumena errespetatzearen inguruan sentsibilizatzeko aukera dira

Horregatik, Izarbeibarko Mankomunitateak festetarako eta ekitaldietarako edalontziak eta baxera berrerabilgarriak jartzen ditu kolektibo eta erakundeen eskura. Ekimen honen bidez, urtero zaborretara botatzen ditugun erabilera bakarreko milaka objektuak saihestu nahi dira, Nafarroako Hondakinen Planarekin eta Hondakinei buruzko Foru Legearekin bat.

Hondakinik onena sortzen ez dena da.

BAXERA BERRERABILGARRIAREN ESKAERA

Baxera berrerabilgarriak plater sakonak, plater lauak, mahai-tresnak (sardexka, labana eta koilara), edalontziak (ur/ardo/kubata eta kafe edalontziak) eta litro bateko pitxerrak ditu.

Bai bilketa bai itzulketa, biak mankomunitatearen bulegoetan egin behar ditu eskatzaileak.